Nao 2 daag nao ClassicFM te hebbe geloesterd (wat euveriges ech ontzettend 'zen' is. Probeer ut maar ens unne daag, neet nao un hallef oor dich al in de Efteling wane en aafhäöke) heb ich de vastelaovesmeziek nóg neet oét de kop. Ich drei aafwisselend dit aaf:
'Wiiiiiim, det is de lu-ci-fer. Wiiiiiiim, det is de lu-ci-fer. Wím det is de lucifer, tûhdûhdûhdûhtûhdûh!'
'Waoaoaoaoao heb ich ö-m gelaote want ich weit ut neet. Haet emus ö-m gevonge? Kwaam ich det maar aan de weet. Ich kèn d'r niks aan doon. Det euverkump mich no altiéd. De mood zak mich in de sjoon. Ich bön de klöts weer kwiét!'
'Do bös ut gans jao want do haeaeaes ut. Det had ich noeits van dich gedach. Lalalalalalalalalalan(dao weit ich d'n tèks ff neet), heb ich jaorelang gezoch. Do bös su-per, do bös sjiék. Tûhdûhtûhdûhtûh. En naevebeej nog sympathiék! Tûhdûhtûhdûhtûh. As weej ôs kösse den véule weej, in de tiëne nag meziek'
'Weej zien de boere, boere, boere van de Hei, wae duit d'r met ôs mei? Wae duit d'r met ôs mei? Weej zien de boere, boere, boere van de Hei. Wae duit d'r met ôs mei? Weej make joeks, en lol en vuuël plezeer. En op tiéd un glaeske bee-heer jao det drinke weej zoé gaer. Met vastelaovend en ouch dóór ut jaor, sjteit de Boereraod veur uch klaor. Tûhdûhdûh. Tûhdûhdûh. Tûhdûhdûhdûhdûhdûhdûh'
'Dao wao de ingelkes en de duuvels same danse gaon,
wao Vors Lucifer met Sint Piëtrus aan d'n tapkas sjtaon,
wao 't plezeer geit baoven-al, det is de Sjteyler karnaval.
En wao de jônges en de maedjes same sjanse gaon,
en nao aafloup nag ens efkes op 'n hûkske sjtaon,
Jao det is d'n Duuvelsbal, 'n brökske echte karnaval.'
En den dus ech kompleet met hèl op (in de kop) alle 'tûhdûhdûhdûh's. Want det is ut leukste.
Dae 'Do bös super do bös sjiek' is al sjtraotaad. Dae hadde weej vruuger op un kassèttebèndje en dae heb ich letterlik griés gedreijd. Idders kiër weer truuksjpeule: 'Oe. Nog un bietje verder....shit! te wiéd' en den rûndjes öm de salontaofel huppele en ongertösse dit zinge. Beej 'de Kaetel' op Sjteijl woort dae versjillende kiére gedreijd. Jeugsentiment, superleuk!
'Ich bön de klöts weer kwiét' is van Mariska en mien zuske Yvonne. En ken ich al vanaaf september/oktoëber van veur wiés achter en truuk. Dae zit mich regelmaotig in de kop.
'Weej zien de Boere van de Hei', hebbe we aafgelaupe vastelaovend ouch versjillende kiére meigezonge. Veurdet we nao ut Verloofdenbal ginge wao ut broédspaar van de Boereraod en heur getuuge (ôs nichje Nicole en vriendlief Rob) oét ginge komme, koste Iza & Evi ut al oét de kop.
Ut Duuvels-liedje heb we de aafgelaupe daag geliërd. Ich kos allein nog maar ut sjtraotaaje: 'Lucifer, Vors Lucifer. Unne èchte Sjteijler Jóng'
En 'Wiiiiiiim det is de Lu-ci-fer', dèt is veurluipig nog waal ff zoë!
'Zonne gôjje hebbe weej nog noeit gehad!' Alaaf!
